Conferencia de BLANCA GARCÍA FERNÁNDEZ-ALBALÁT: "A celticidade de Gallaecia: Discusións e estado da cuestión"
A conferenciante, arqueóloga especialista en relixión celta e membro de Los Amigos de la Cultura Celta, enfocará a charla no debate celtismo/anticeltismo e dará a coñecer as últimas investigacións acerca do mundo celta.
BLANCA GARCÍA FERNÁNDEZ-ALBALÁT é Licenciada en Xeografía e Historia. Sección Historia, especialidade Arqueoloxía, Prehistoria e Antropoloxía Cultural na Facultade de Xeografía e Historia da Universidade de Santiago de Compostela.
Doutora en Historia Antiga, especializada en Arqueoloxía e Antropoloxía, une a moitas das súas facetas a de escritora, investigadora e especialista en rituais celtas. O seu labor como celtóloga é innumerable e é recoñecida internacionalmente.
Dentro da súa experiencia investigadora realizou traballos de investigación publicados en revistas españolas e estranxeiras.
De entre as súas obras publicadas destaca: ""Guerra y religión en la Gallaecia y Lusitania Antiguas" (1990), "Las rutas sagradas de Galicia: perduración de la religión celta de la Galicia Antigua en el Folclore actual" (1999), "Religión celta y religión galaica" Tomos I y II, e "Espacio sagrado y simbolismo celta".
Participou en numerosos volumes colectivos de carácter monográfico así como poñente en gran número de simposios, todos eles relacionados coa cultura celta.
De entre as numerosas conferencias impartidas destacamos: "El celtismo en Galicia: estado de la cuestión" (1999), "El poblamiento antiguo de La Coruña y el origen celta de su nombre" (2000), e "A orixe do espazo sagro no mundo castrexo" (2010).